ليك

خيي فتحلي دينيك

خيي فتحلي دينيك و عينيك

خيي فهمني شو باك؟

ولا ليه سخيف؟

ليه تافه هيك؟

 browsing history ليه عندك بال

فضيحة انزلاق فستان اليسا

بشو بيقدم و بأخر صدرا لإليسا

لنو صدر كنافة بيشبع من الجوع ولا شي من هالنوع

و دخلك شو همك بحيوانات سلمى حايك

ما انت حمار حشا قدرك أكيد

طب و ليك ليك

ليه لطشتا لهيديك الصبية؟

استفزك لبسها؟ طب ما انت كلك بتستفزني ليه ما بسبك؟

انت ولي ليه تركتي المدرسة

ما تقليلي بدك تحققي طموحك و تعملي كوافيرة

طب ليك ليه ما بتحضر غير المنار

و انت؟ ايه انت لكان مين غيرك.. ليه ما بتحضر الا ال ام تي في

خيي بركي كذابين؟

انو والله

مش كرمال شي بس هات لخبرك خبرية

كانت امي تفيقني الساعة 8 و تقللي قومي الساعة 10 و نص

هيي الله يرضا عليها مش قصدا تكذب

بس بدا تحركنا شواي

طب بركي عم بيحركوك شواي

طب ليك حبيبي عيني علوشي, فروض عمر معو حق هالمرة

عمر عزيزي فروض انو علي آدمي, خيي ممكن شو بيعرفك

شو بدك الماما شو قالتلك, بركي امك كمان بتكذب

او فرضاً فرضاً غيرانة امك من امو لان بيك اقوى من بيو

طب و فروض انو جورج الشاب اللي بتحبو فاطمة اختك ابن حلال نضيف

فروض عنجد بيحبا و بدو ياها

فروض رح يعيشها ملكة و ما يحيجها لشي

ما عم قلك عباس مش هيك كمان

 طب ما هيي بتحب جورج بتحبش عباس

 مع انو فش منو لعبيس تنين والله

يي ليك, فروض طيب انو صاحب الشغل ما وظفك بس وظف رفيقك لان الحق عليك

cafe لانو لما انت كنت بال

 crepe عم تاكل

 مع رفقاتك كان هو عم بينضفلك الطاولة و عم يكسب خبرة عمل

بركي لان لما كنا انت عم تلعب فيفا بوقت فراغك مش رح افضحك و قلك درسك, هو كان عم يراجع

بركي لان انت ما كتير فارقة معك قصة الوقت لانو 5 دقايق تأخير مش رح تخرب الدني

بس هو وصل قبلك ب 5 دقايق و اخد الوظيفة

  بعد شغلة, دخلك فكرت انو لو انتخبت هيداك الشاب اللي ضد زعيمك اللي مطعميك و مدرسك و منيمك و مسفرك اسم الله اسم الله, يمكن يكون احسن من اللي وصلك سلة المونة قبل الانتخابات

طب ليك فتاح عينيك و دينيك

 خيي فكر شواي مش خسران شي

 

و ليك

والله قلبي عليك

Advertisements

2 thoughts on “ليك

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s